Este sitio web guarda pequeños fragmentos de información (cookies) en su dispositivo con la finalidad de ofrecer un mejor contenido y para finalidades estadísticas. Usted puede desactivar el uso de cookies modificando la configuración de su navegador. Navegar por nuestro sitio web sin cambiar la configuración del navegador hace que usted nos esté autorizando a guardar esta información en su dispositivo.
Estoy de acuerdo Ver política completa
• A compañía láctea, pertencente ao Grupo COVAP, facturou o pasado exercicio máis de 140 millóns de euros.
Naturleite, industria pertencente ao Grupo COVAP e situada na localidade lucense de Meira, pechou o exercicio 2025 cunha facturación de máis de 140 millóns de euros, como unha das empresas de referencia do sector lácteo galego.
Naturleite mantén o seu compromiso cunha cadea de subministración de proximidade, baseada na colaboración estable con máis de 130 ganderías galegas provedoras de leite, principalmente das provincias de Lugo e A Coruña.
Esta relación permite garantir a trazabilidade do produto, impulsar a profesionalización do sector primario e contribuír á xeración de actividade económica e emprego no medio rural.
A empresa conta actualmente con 116 traballadores e durante 2025 investiu máis de 2,6 millóns de euros para mellorar a eficiencia nos procesos produtivos, avanzar na automatización da planta e reforzar a eficiencia enerxética. Estas actuacións forman parte da estratexia de crecemento sostible da compañía, orientada a manter altos estándares de calidade, seguridade alimentaria e respecto ao contorno.
Naturleite obtivo en 2025 a certificación SMETA, un novo recoñecemento que reforza o seu compromiso coas boas prácticas empresariais, laborais, sociais e ambientais. Este selo súmase ao resto de certificacións de calidade, benestar animal, xestión enerxética e xestión ambiental, renovadas nesta anualidade, que avalan o modelo de traballo da compañía.
Segundo María Jesús Peteira, directora xeral de Naturleite, “2025 foi un ano de consolidación para a empresa, no que seguimos avanzando en eficiencia, sustentabilidade e calidade. O noso obxectivo é continuar xerando valor desde Meira, traballando da man coas ganderías galegas e respondendo ás demandas dun mercado cada vez máis esixente”.
Formación, sostibilidade e territorio
Naturleite fortaleceu durante o pasado exercicio a súa aposta polo futuro do sector lácteo galego a través de iniciativas vinculadas á formación, ao relevo xeracional e á sostibilidade das ganderías. Nesta liña, a compañía impulsou diferentes xornadas técnicas, sobre fertilización e mellora da xestión gandeira, entre outras, co obxectivo de trasladar coñecemento útil e aplicado aos seus gandeiros provedores.
Un dos proxectos máis destacados foi Muxindo o futuro, desenvolvido en colaboración con Cruz Vermella. A iniciativa permitiu formar a persoas procedentes de Mali e Senegal en tarefas propias do sector de vacún de leite, combinando formación teórica e práctica en ganderías provedoras de Naturleite. O programa naceu cun dobre obxectivo: favorecer a inserción laboral e social dos participantes e dar resposta á necesidade de man de obra cualificada no sector lácteo galego.
Aposta de NaturRego polo servizo e a calidade
Pola súa parte, NaturRego, a fábrica de pensos de Naturleite, pechou 2025 cunha evolución positiva e unha facturación de máis de 17 millóns de euros. A empresa superou os 50 millóns de quilos vendidos entre materias primas e pensos.
Con esta actividade, NaturRego continúa reforzando o servizo que presta ás ganderías galegas, adaptándose ás necesidades específicas de cada gandería e ofrecendo solucións orientadas á mellora da alimentación animal.